Қазақстан стратегиялық зерттеулер институты

Қазақстан Республикасы Президентінің жанындағы

Қазақстан Республикасының Президенті – Қ.К. Тоқаевтың Қазақстан халқына Жолдауы

Сындарлы қоғамдық диалог – Қазақстанның тұрақтылығы мен өркендеуінің негізі

Билік пен қоғам арасында тұрақты диалог орнату
арқылы ғана қазіргі геосаяси ахуалға бейімделген 
үйлесімді мемлекет қалыптастыруға болады

Слямжар Ахметжаров, https://www.inform.kz/kz/zhastardyn-aleumettik-bastamalary-karzhylyk-koldaudy-kazhet-etedi-sarapshy_a3491399

«Мемлекет басшысы Жастар жылының ашылу салтанатында қазақстандықтардың жас кезінен жан жағында болып жатқан оқиғаларға қатысушылығы мен ынтымақтастығын үйрету қажеттілігін атап өтті. Бұл қасиеттерге қол жеткізудің тиімді әдістерінің бірі - еріктілер қозғалысына жастардың қатысуы. Өз кезегінде, волонтерлік тұжырымдама қазақстандықтарға жат емес. Ежелгі заманнан бері қазақ қоғамында шынайы және ақысыз көмек көрсету тәжірибелері кездеседі, оның бірі - «Асар», - дейді Слямжар Ахметжаров.

С.Ахметжаров бүгінгі таңда мектептер мен университеттердің студенттері егде жастағы адамдарға көмек көрсету, мәдени ескерткіштерді қорғау немесе жергілікті және республикалық деңгейде іс-шаралар ұйымдастыру арқылы өздерін көрсете алатындығын атап айтты.

«4,5 мың еріктілер «ЭКСПО-2017» мамандандырылған халықаралық көрмесіне қатысты. Осы жастар тек халықаралық оқиғаға өз үлестерін қосып қана қоймай, жаңа достар тауып, қажетті тәжірибеге ие болды. Сондай-ақ, түрлі әлеуметтік жобаларды іске асыруда жас қазақстандықтардың белсенділігін атап өту керек. Мысалы, Назарбаев Университетінің студенттері ауылдағы балаларға арналған 3 апталық  ағылшын тілі курсы «Hello, Aul!» волонтерлік бағдарламасын ұйымдастырды. Осы бағдарлама аясында Назарбаев Университетінің студенттері жазғы демалыстарда бірқатар ауылдарды аралап, балалар арасындағы ағылшын сөйлеу тілінің дағдыларын жақсартты», - дейді ол.

Маманның пікірінше, жас қазақстандықтардың әлеуметтік бастамалары қаржылық қолдауды қажет етеді.

«Бұл мәселені шешу үшін бизнес-қоғамдастықтар тарапынан қолдау қажет. Жастардың әлеуметтік бастамалары мен ұмтылыстарының жүзеге асырылуына жәрдемдесу оларға тек жақсы қасиеттер ғана емес, сонымен бірге қазақстандық қоғамның дамуына жаңа серпін береді», - деп атап өтті сарапшы.

Басылымдар