Kz Ru En
|||

Қазақстан стратегиялық зерттеулер институты

Қазақстан Республикасы Президентінің жанындағы

Президенттің Қазақстан халқына жолдауы

Қазақстанның үшінші жаңғыруы: жаһандық бәсекеге қабілеттілік

Болашағын айқындап, сын-қатерлерді күтіп отырмастан, оған табанды түрде қарсы тұра алатын халық қана жеңіске жетеді

Қазақстан Республикасы Президентінің жанындағы Қазақстан стратегиялық зерттеулер институты (ҚСЗИ) Қазақстан Республикасы Президентінің Жарлығымен 1993 жылдың 16 маусымында құрылған.
ҚСЗИ-дың мемлекеттік ғылыми-зерттеу мекемесі ретінде құрылған күнінен бастап негізгі мақсаты Қазақстан Президентінің қызметін ғылыми-талдаулармен қамтамасыз ету.
ҚСЗИ қызметі барысында саясаттанушылардан, тарихшылардан, экономистер мен социологтардан құралған жоғары кәсіпті ұжым қалыптасқан. Институт өзін елдің жетекші ғылыми-зерттеу және талдау орталығы ретінде көрсете білді. ҚР Президенті Әкімшілігінің, министрліктер мен ведомстволардың, ҚР дипломатиялық корпусының біраз жауапты қызметкерлері мен көптеген жоғарғы оқу орындарының оқытушылары өз еңбек жолдарын ҚСЗИ-дан бастаған.
Институт Қазақстанның әлеуметтік-экономикалық дамуы мен ішкі және сыртқы саясаттың стратегиялық проблемаларына іргелі зерттеулер жүргізеді, ел басшылығы үшін болжама-талдау сипаттағы материалдар дайындайды.

 

Институт өз зерттеулерінің негізгі бағыттары бойынша семинарлар, конференциялар, дөңгелек столдар мен халықаралық форумдар өткізіп отырады.
 

ҚСЗИ басқа да мемлекеттердің ғылыми және талдау құрылымдарымен ұдайы тығыз байланыста, олармен бірлесіп Орталық Азия мен Қазақстанның даму мәселелеріне үнемі халықаралық зерттеу жобаларын іс жүзіне асырып отырады.
 

Монографияларды, кітапшаларды және журналдарды басып шығару Институт қызметінің маңызды бөлігінің бірі болып табылады. Бүгінгі таңға дейін Институт 80-нен астам басылымды жарыққа шығарған, оның басым бөлігі институттың қалыптасу мен даму жолын айғақтайды. Сондай-ақ, ҚР Президентінің жанындағы ҚСЗИ-дың екі тілде шығатын веб-сайты бар – www.kisi.kz , қазір қазақ тіліндегі жобасы дайындалуда.
 

1994 жылы Қазақстан Республикасының ұлттық қауіпсіздігі мен сыртқы саясаты мәселелеріне арналған «Казахстан и мировое сообщество» ғылыми-талдау журналының алғашқы нөмірі жарық көрді. 1997 жылдың қазанынан бүгінгі күнге дейін журнал жаңа «Қазақстан-Спектр» деген атпен шығуда. Журналдың жаңа атауымен оның тақырыптық шеңбері де ұлғая түсті, оған енді ішкі саяси және экономикалық бөлімдер қосылды.
 

2000 жылдың қазанында Институт «ANALYTIC» деген жаңа журнал шығара бастады, оның басқа журналдардан артықшылығы ғылыми журналдардың шеңберінен тыс қалатын қолданбалы сипаттағы талдау материалдарын жариялау. Бүгінде «ANALYTIC» журналы жалпы Қазақстан мен Орталық Азия аймағы дамуының өзекті мәселелерін зерттеуге арналған Қазақстанның жетекші сараптама басылымдарының бірі ретінде өзін таныта білді.
 

2003 жылы «Central Asia’s Affairs» тоқсандық сараптама-талдау журналының алғашқы саны жарық көрді. Бүгінгі таңда бұл басылым Орталық Азия аймағы бойынша ағылшын тілінде шығатын, әлемнің жетекші талдау орталықтарының сарапшылары арасында тікелей байланыс орнатуға мүмкіндік беретін және Орталық Азия аймағы мемлекеттерінің халықаралық және аймақтық қауіпсіздігі, ішкі саяси және экономикалық даму сияқты өзекті мәселелер бойынша жылдам әрі нақты ақпарат ұсынатын жалғыз басылым.
 

2004 жылдан бастап қазақ тілінде тоқсандық «Қоғам және Дәуір» ғылыми-талдау журналы жарық көруде. Басылым халықаралық қатынас, аймақтық қауіпсіздік, ішкі саяси, Қазақстанның экономикалық даму мәселелеріне және тарихи-философиялық және мәдени даму мәселелеріне арналған.