kisi-logo

ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ
ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ

Институт туралы

Қазақстан Республикасы Президентінің жанындағы Қазақстанның стратегиялық зерттеулер институты (ҚСЗИ) Қазақстан Республикасы Президентінің 1993 жылғы 16 маусымдағы Жарлығына сәйкес құрылған мемлекеттік болжамдық-талдамалық мекеме.

ҚСЗИ талдау орталықтарының 2020 жылғы Дүниежүзілік индекс-рейтингіне сәйкес (Global Go To Think Tank Index Report, University of Pennsylvania) Кавказ, Орталық және Оңтүстік Азияның (58 орталықтан) жетекші талдау орталықтарының үштігіне кіреді. Сондай-ақ «Үздік саясат және Сovid-19-ға институционалдық жауап» номинациясы бойынша әлемнің топ ақыл-ой орталықтарының қатарына кірді. Бұл номинацияға әлемнің түкпір-түкпірінен 83 талдау орталығы іріктелді. Олардың ішінде ҚСЗИ Орталық Азия елдерін кірген жалғыз құрылым болды.

Институттың негізгі қызметі Қазақстан Республикасы Президентінің қызметін мемлекеттің ішкі және сыртқы саясатының стратегиялық бағыттары бойынша талдамалық, зерттеу және сараптамалық қамтамасыз ету.

Жүктеу: «ҚР Президенті жанындағы ҚСЗИ туралы ереже»

director_pic

ТҰҚЫМОВ ЕРКІН ВАЛИТХАНҰЛЫ

ҚСЗИ Директоры

Саяси ғылымдарының кандидаты

Білімі, мамандығы (біліктілігі), лицензиялары:

  • Халықаралық қатынастар институты, Варшава университеті (Польша Республикасы) (1992–1997), халықаралық қатынастар жөніндегі маман.
  • Гарвард университетінің мемлекеттік басқару мектебі (АҚШ) (2015–2016), мемлекеттік басқару магистрі.

Ғылыми дәрежесі: ҚР ҒА Философия және саясаттану институты (2004), саясат ғылымдарының кандидаты.

Дипломатиялық дәрежесі: Қазақстан Республикасы Сыртқы істер министрлігінің ІІ сыныпты Төтенше және Өкілетті Уәкіл (2022)

Еңбек жолы:

  • Қазақстан Республикасы Президентінің жанындағы Қазақстан стратегиялық зерттеулер институтының (ҚСЗИ) аға ғылыми қызметкері, сыртқы саясатты зерттеу бөлімінің меңгерушісі (1997–2005).
  • Орталық Азиялық демократияны дамыту қорының бас директоры (10.2005–10.2007).
  • Ақпараттық-талдау орталығының стратегиялық талдау секторының меңгерушісі, Қазақстан Республикасы Президенті Әкімшілігінің Стратегиялық даму және талдау орталығының сектор меңгерушісі (11.2007–05.2008).
  • Қазақстан Республикасы Сыртқы істер министрлігі Орталық Азия департаменті директорының орынбасары, директоры (06.2008–01.2010).
  • Қазақстан Республикасы Қауіпсіздік Кеңесінің Талдау бөлімінің басшысы (01.2010–01.2018).
  • Қазан қаласындағы Қазақстан Республикасының Бас консулы (01.2018 – 04.2019).
  • Қазақстанның Ресейдегі Елшілігінің Министрдің кеңесшісі (04.2019–01.2022).
  • 2022 жылдың қаңтарынан бастап Қазақстан Республикасы Президентінің жанындағы Қазақстан стратегиялық зерттеулер институтының директоры.

Тілдік дағдылар:

Қазақ, орыс, ағылшын, поляк.

Мемлекеттік және халықаралық наградалар, сыйлықтар, құрметті атақтар:

«Кұрмет» ордені (2017), «Ерен Еңбегі үшін» медальі: (2011), Қазақстан Президентінің Алғыс хаты (2010), Сыртқы істер министрінің Алғыс хаты (2008, 2019), «Қазақстан Республикасының тәуелсіздігіне» 20 жыл», ҚР Сыртқы істер министрлігінің мерейтойлық медальдері.

ҚСЗИ құрылымы

Сайлау үдерістерін талдамалық, әлеуметтанулық және сараптамалық сүйемелдеу, сайлау науқандарын жүргізудің жаңа тәсілдері мен әдістерін әзірлеу, сондай-ақ сайлау процесінің барлық субъектілері арасындағы көпжақты диалог пен өзара іс-қимылды ілгерілету мақсатында құрылған.

Әдістемелік зертхананың міндеттері:

  • азаматтардың электоралдық көңіл-күйлері мен қалауларын талдау;
  • аймақтық ерекшеліктерді ескере отырып, сайлау технологияларын дамыту;
  • сайлау технологияларын талдау және салыстырмалы зерттеу;
  • саяси- партиялық кеңістік саласында зерттеулер жүргізу;
  • сайлау заңнамасы саласындағы нормативтік құжаттарды әзірлеуге қатысу.

«Қазақстан Республикасының Президенті жанындағы Қазақстанның стратегиялық зерттеулер институты» РММ қызметін құжаттамалық және материалдық-техникалық қамтамасыз ету, кадрлық ресурстарға ағымдағы және келешек қажеттіліктерді толық және уақтылы қанағаттандыру мақсатында құрылған.

Әкімшілік бөлімнің міндеттері:

  • институттың кадр жұмысын ұйымдастыру және қызметін құжаттамалық қамтамасыз ету;
  • архивтерді ұйымдастыру және басқару;
  • институттың қызметін қажетті сападағы барлық материалдық ресурстармен қамтамасыз ету және оларды ұтымды пайдалану;
  • ҚСЗИ ғимаратындағы өндірістік санитария және өрт қауіпсіздігі ережелеріне сәйкес шаруашылық қызметті ұйымдастыру, сондай-ақ барлық инженерлік желілер мен жабдықтардың (жарықтандыру, жылыту, желдету, байланыс) жұмысқа жарамдылығын бақылау.

Халықтың әлеуметтік әл-ауқатын, қоғамдық-саяси және электоралдық көңіл-күйін әлеуметтанулық мониторингілеу мақсатында құрылған.  «Қазақстан Республикасының Президенті жанындағы Қазақстанның стратегиялық зерттеулер институты» РММ құрылымдық бөлімшесі, Институт директорына және директордың орынбасарына бағынады.

Әлеуметтанулық зерттеулер бөлімінің міндеттері:

  • әлеуметтік әл-ауқат пен қоғамдық-саяси көңіл-күйді талдау;
  • сайлау процестерін әлеуметтанулық қамтамасыз ету;
  • Қазақстан Республикасы мемлекеттік органдарының әлеуметтанулық зерттеулерін әдістемелік қамтамасыз ету.

ҚСЗИ мен БАҚ өкілдері арасындағы тұрақты және тиімді екі жақты байланысты қамтамасыз ету мақсатында құрылған. БАҚ тарапынан ақпараттық қолдау жұмыстарын ұйымдастыру, фото-видео түсірілімге техникалық қолдау көрсету, PR-материалдарды (медиа жоспар, пресс-клиппинг, контент жоспар, промо жоспар, баспасөз хабарламасы) дайындау және жүзеге асыру, әлеуметтік желілерде және ZOOM платформасында тікелей эфирлерді ұйымдастыру кіреді. Сонымен қатар сайт пен әлеуметтік желілерді (Telegram, Facebook, Twitter, Instagram, YouTube) жүргізу, ақпараттық толтыру мен контент қалыптастырумен айналысады. Мультимедиялық материалдарды мұрағаттап тираждайды, сонымен қатар ғылыми-сараптамалық журналдар, кітаптар, монографиялар, материалдар жинақтары, ҚСЗИ оқу-әдістемелік құралдарын жариялайды.

Медиажобалар бөлімінің міндеттері:

  • ҚСЗИ пікірталас клубының сараптамалық кездесулерін, баспасөз конференцияларын, брифингтерін, мастер-кластарын өткізу, баспа материалдарының және институттың әлеуметтанулық зерттеулерінің таныстырылымын жасау;
  • ҚСЗИ ресми сайты, Telegram және YouTube арналары, Facebook, Twitter, Instagram-дағы парақшаларды жүргізу;
  • ҚСЗИ және БАҚ өкілдерінің тұрақты және тиімді екіжақты байланысын қамтамасыз ету;
  • Институт қызметін алға жылжыту бойынша PR-материалдарды (медиа жоспарлар, пресс-клиппинг, контент-жоспарлар, промо-жоспарлар, пресс-релиздер) дайындау және іске асыру;
  • ғылыми-талдау журналдары, кітаптар, монографиялар, материалдар жинақтары және ҚСЗИ әдістемелік құралдарын басып шығару.

Саяси зерттеулер бөлімі мемлекеттің ішкі саясатын іске асыруды талдамалық және сараптамалық қамтамасыз ету мақсатында құрылған. «Қазақстан Республикасының Президенті жанындағы Қазақстанның стратегиялық зерттеулер институты» РММ құрылымдық бөлімшесі, Институт директорына және директордың орынбасарына бағынады.

Саяси зерттеулер бөлімінің міндеттері:

  • Қазақстанның ағымдағы қоғамдық-саяси жағдайын талдау;
  • саяси модернизация мәселелерін жан-жақты зерттеу;
  • әлеуметтік-саяси процестерді болжау және модельдеу;
  • саяси институттардың, этносаралық және конфессияаралық қатынастардың жағдайын талдау;
  • қазіргі медиа-процестер мен ақпараттық тенденцияларды зерттеу.

Қазақстан Республикасының сыртқы саясаты мен ұлттық қауіпсіздігі мәселелері бойынша тұжырымдамалық негіздер мен практикалық ұсыныстарды әзірлеу, болжамдарды талдау және қалыптастыру мақсатында құрылған. Институт директорына және директордың орынбасарына бағынады.

Халықаралық зерттеулер бөлімінің міндеттері:

  • заманауи халықаралық үдерістерді, геосаяси трендтер мен өңірлік және жаһандық ойыншылардың сыртқы саяси стратегияларын талдау;
  • халықаралық және аймақтық қауіпсіздік, көршілес елдердің ішкі саяси дамуын зерттеу;
  • Қазақстанның Ресеймен, Қытаймен, АҚШ-пен, Германиямен, Франциямен, Польшамен, Түркиямен, Орталық Азия және ТМД елдерімен, сондай-ақ Азия және Еуропаның бірқатар басқа жетекші мемлекеттерімен екіжақты қатынастарын талдау.

Мемлекеттің экономикалық саясатын сараптамалық қамтамасыз ету мақсатында құрылған. «Қазақстан Республикасының Президенті жанындағы Қазақстанның стратегиялық зерттеулер институты» РММ  құрылымдық бөлімшесі. Институт директорына және директордың орынбасарына бағынады.

Экономикалық зерттеулер бөлімінің міндеттері:

  • Қазақстан Республикасының әлеуметтік-экономикалық дамуының мәселелері мен тенденцияларын зерттеу;
  • әлемдік конъюнктураның ел экономикасына әсерін зерттеу;
  • әлеуметтік-экономикалық процестерді болжау және модельдеу;
  • экономикалық саясат саласындағы әлемдік тәжірибелер мен озық тәжірибелерді зерттеу.

Мемлекеттің ішкі және сыртқы саясатын іске асыруды талдамалық және сараптамалық қамтамасыз ету мақсатында құрылған. «Қазақстан Республикасының Президенті жанындағы Қазақстанның стратегиялық зерттеулер институты» РММ құрылымдық бөлімшесі. Институт директорына және директордың орынбасарына бағынады.

Өкілдіктің міндеттері:

  • ұлттық қауіпсіздік мәселелері бойынша процестер мен жағдайларды талдау;
  • көршілес елдер мен серіктестердің ішкі саяси және әлеуметтік-экономикалық дамуын талдау;
  • Қазақстан Республикасының серіктес елдеріндегі қоғамдық-саяси және экономикалық жағдайдың даму болжамдарын қалыптастыру;
  • мемлекеттің сыртқы және экономикалық саясаты мәселелері бойынша тұжырымдамалық негіздер мен практикалық ұсыныстарды әзірлеу;
  • бөлімшенің құзыреті шегінде саяси және экономикалық ғылымдардың түрлі бағыттары бойынша ғылыми-зерттеу қызметін жүзеге асыру.
  • отандық және шетелдік зерттеу және талдау құрылымдарымен ынтымақтастық орнатып, Қазақстан мен Орталық Азия дамуының өзекті мәселелері бойынша халықаралық зерттеу жобаларын жүзеге асырады;
  • Институт жұмысының бағыттары бойынша аймақтық және халықаралық ғылыми-тәжірибелік іс-шаралар өткізеді;
  • Қазақстан Республикасының ішкі және сыртқы саяси саласы бойынша мемлекеттік даму бағдарламаларының жобалары мен тұжырымдамалық құжаттарды әзірлеуге қатысады;
  • дипломатиялық корпуспен және Қазақстанда аккредиттелген халықаралық ұйымдардың өкілдіктерімен ынтымақтастық орнатады;
  • тағылымдама, семинарлар, жазғы мектептер өткізу арқылы ҚСЗИ ғылыми-зерттеу қызметінің бағыттары шеңберінде зерттеуші-талдаушыларды даярлауға қатысады.