Кездесуде ҚСЗИ директорының орынбасары Дәурен Әбен қонақтарға институттың қызметі мен негізгі зерттеу бағыттары туралы айтып, оның мемлекеттік саясатқа сараптамалық тұрғыдан қолдау көрсетудегі рөліне тоқталды.

Тараптар халықаралық және өңірлік өзекті мәселелерді талқылап, Қазақстанның сыртқы саясаттағы басымдықтарына, өңір қауіпсіздігіне және Орталық Азиядағы ынтымақтастықтың болашағына ерекше назар аударды.

Кездесу соңында тараптар сарапшылар арасындағы байланысты сақтап, екі елді де қызықтыратын мәселелер бойынша пікір алмасуды жалғастыруға ниетті екенін жеткізді.

Сообщение Франция Қарулы күштер министрлігінің өкілдерімен кездесу өтті появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

ҚР Президенті жанындағы ҚСЗИ

Еуропалық және америкалық зерттеулер

бөлімінің бас сарапшысы

2026 жылы Бразилияда өткен жалпыұлттық сайлаудың нәтижелері Латын Америкасындағы ең елеулі саяси оқиғалардың біріне айналды. Халықаралық сарапшылардың пікірінше, күтпеген жайттардың бірі – қазіргі президент Луис Инасиу Лула да Силваның бірінші турдағы жеңілісінен кейін күштер арақатынасын өзгертіп, екінші турда жеңіске жетуі.

Бұл нәтиже өңірдегі саяси үдерістердің күрделілігін көрсетті. Латын Америкасының бірқатар елдерінде оңшыл консервативтік күштердің ықпалы артқанына қарамастан, Бразилиядағы сайлау нәтижелері бұл үрдістің барлық елге бірдей тән емес екенін аңғартты. Сонымен қатар кандидаттар арасындағы дауыс айырмасының салыстырмалы түрде аз болуы Бразилия қоғамында саяси поляризацияның сақталғанын, сондай-ақ партиялардың идеологиялық ұстанымдары айқын ажыратылмайтын, бытыраңқы көппартиялық жүйенің бар екенін көрсетеді.

Қазақстан үшін бұл сайлаудың қорытындылары, ең алдымен, екіжақты қатынастарды одан әрі дамыту перспективалары тұрғысынан маңызды. Бразилия – Қазақстанның Латын Америкасындағы ең ірі сауда-экономикалық серіктесі. Екі елдің ынтымақтастығы 30 жылдан астам дипломатиялық қатынастар тарихына негізделген. 2025 жылдың қорытындысы бойынша өзара тауар айналымы 295 млн АҚШ долларын құрады, ал 2026 жылдың қаңтар–наурыз айларының өзінде бұл көрсеткіш 100 млн долларға жуықтады.

Соңғы жылдары Астана мен Бразилия арасындағы саяси диалогтың жүйелі түрде кеңейіп келе жатқанын атап өткен жөн. Атап айтқанда, 2026 жылғы мамырда Бразилияның сыртқы істер министрі Мауро Виейра Қазақстанға ресми сапармен келді. Сапар барысында тараптар сауда-экономикалық және инвестициялық байланыстарды тереңдетуге мүдделі екенін растады әрі өзара тауар айналымын 1 млрд долларға жеткізу мақсатын белгіледі. Қазақстанның Орталық Азия елдері арасында Бразилияда елшілігі бар жалғыз мемлекет екені, ал Астанадағы Бразилия елшілігінің осы елдің бүкіл өңірдегі жалғыз дипломатиялық өкілдігі екені назар аудартады. Екі тарап та мұны қарым-қатынастардың стратегиялық тереңдігінің көрсеткіші деп бағалайды.

Осы тұрғыдан алғанда, Бразилияның сыртқы саясатындағы сабақтастықтың сақталуы екіжақты ықпалдастықты одан әрі дамытуға қолайлы алғышарттар қалыптастырады. Қазақстан үшін агроөнеркәсіп кешені, машина жасау, энергетика, инвестициялар, көлік-логистика инфрақұрылымы және азық-түлік қауіпсіздігі сияқты бағыттар практикалық қызығушылық тудырады.

БРИКС және өзге де көпжақты форматтар аясындағы өзара іс-қимылдың маңызы ерекше. Қазақстан мен Бразилия халықаралық диалогты нығайтуға, экономикалық байланыстарды дамытуға және халықаралық институттардың тиімділігін арттыруға мүдделі. Атап айтқанда, Бразилия тарапы Қазақстанның БРИКС және COP-30 саммиттеріне жоғары деңгейде қатысуын, сондай-ақ ядролық қауіпсіздік пен су-климат күн тәртібі саласындағы қазақстандық бастамаларды жоғары бағалайды. Осы тұрғыда орнықты даму, климаттың өзгеруі және халықаралық сауда мәселелері бойынша ұстанымдарды одан әрі үйлестіруге мүмкіндік бар.

Сонымен бірге екіжақты қатынастардың күрт жеделдеуін күту әзірге ертерек. Олардың одан арғы серпіні, негізінен, нақты уағдаластықтарға, экономикалық мүдделерге және тараптардың бірлескен жобаларды іске асыру қабілетіне байланысты болады.

Тұтастай алғанда, Лула да Силваның қайта сайлануын Бразилиядағы саяси сабақтастықтың факторы әрі Қазақстан мен Бразилия арасындағы сындарлы диалогты жалғастыруға жол ашатын мүмкіндік ретінде қарастырған жөн. Қазақстан үшін қалыптасқан оң қарым-қатынас негізін Латын Америкасындағы экономикалық және дипломатиялық қатысуын одан әрі кеңейту мақсатында пайдалану маңызды.

Сообщение Бразилиядағы сайлау нәтижелері: саяси сабақтастық – сындарлы диалогты жалғастыру мүмкіндігі появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

ҚР Президенті жанындағы ҚСЗИ

Халықаралық қауіпсіздік бөлімінің

бас ғылыми қызметкері

Мемлекет басшысының биылғы жыл сайынғы Жолдауында экономикалық дамуды жеделдетуге және мемлекеттің ішкі саяси жаңғыруына бағытталған өзекті міндеттердің тұтас кешені қамтылған. Олардың ішіндегі ең маңыздылары ретінде өнеркәсіп пен цифрлық индустрияны дамытудың негізі саналатын энергетика секторының тұрақтылығын қамтамасыз етуді, транзиттік-көліктік және логистикалық салалардың әлеуетін арттыруды, азаматтық инфрақұрылымды ауқымды салу мен жаңартуды, мемлекеттік қызметті реформалауды, әлеуметтік саясаттың атаулылығын күшейту бағытында өзгертуді, жасанды интеллект технологияларын жаппай енгізуді атауға болады. Инвестиция тартуды одан әрі жалғастыру және отандық шағын және орта бизнесті қолдау қажеттігіне ерекше назар аударылды.

Айта кету керек, бұл шаралардың барлығы қуатты әрі өркендеген Қазақстанды қалыптастыруға қызмет етеді. Мұның орта держава мәртебесіне сай келетін ішкі ғана емес, сыртқы саяси өлшемі де бар. Әлемдік саясаттануда бұл мәртебені айқындайтын өлшемдердің жалпыға бірдей қабылданған жіктемесі болмағанымен, орта державаларды сипаттайтын екі белгіні бөліп көрсетуге болады: экономикалық және технологиялық даму деңгейі, сондай-ақ халықаралық істерге ықпал ету дәрежесі.

Халықаралық сарапшылар елімізді өңірлік ықпал ету әлеуеті елеулі Орталық Азия көшбасшысы деп таниды. Осыған байланысты әлемнің жетекші мемлекеттері Қазақстанды Орталық Азия өңіріндегі басты стратегиялық серіктес ретінде бағалайды.

Бұған қоса, еліміздің экономикалық жетістіктері де айқын. Атап айтқанда, ХВҚ бағалауы бойынша, Қазақстан әлемдегі жетекші 50 экономиканың қатарына кіреді (ЖІӨ көлемі 397 млрд доллар, 47-орын). Сондай-ақ мұнай (әлемде 11-орын), уран (әлемде 1-орын), астық пен ұн (жаһандық жеткізушілердің алғашқы бестігі) экспорттаушы ірі елдердің бірі болып саналады әрі бай және алуан түрлі шикізат ресурстарына ие. Сонымен қатар Қазақстан Еуразия көлік жүйесінің негізгі транзиттік торабы ретінде қызмет атқарады.

Еліміздің жаһандық технологиялық бәсекеге қосылу жолындағы күш-жігері де нәтижесіз емес. Мәселен, Қазақстанның деректерді өңдеу орталықтары жүйесі мен цифрлық экожүйені дамытуға жағдай жасау, сондай-ақ ресурстық экономикадан білім экономикасына көшу аясында зияткер ұлтқа айналу жоспарлары әлемдік қызығушылық туғызып отыр. NVIDIA компаниясының басшысы Дж. Хуангтың биылғы 23 қазанда Президент Тоқаевпен кездесу барысында Қазақстанды физикалық жасанды интеллектінің, яғни ЖИ-ді роботтехникамен және нақты әлем технологияларымен ұштастыратын бағыттың әлемдік хабына айналдыру бастамасын көтеруі кездейсоқ емес.

Қол жеткізілген елеулі табыстарға қарамастан, Мемлекет басшысының жетістіктерге мастанып, бейқам отырмай, әлемдік дамудың соңында қалып қоймау керектігі туралы ескертуі әбден орынды. Сондықтан Президент Жолдауын жаңа тарихи кезең жағдайында Қазақстанның орта держава ретіндегі ұстанымын нығайтуды мақсат ететін стратегиялық іс-қимыл бағдарламасы ретінде қарастыру қажет.

Осы мақсатты іске асыру аясында еліміз экономикалық моделін түбегейлі жаңғыртып, шикізаттық бағдардан жоғары қосылған құны бар тауарларды, соның ішінде креативті сектор өнімдерін өндіруге көшуі тиіс. Бұл инвестициялық әріптестік арқылы экономиканы технологиялық қайта жарақтандыру мен кеңейтуді, сондай-ақ өндіріс көлемін ұлғайтуға, еңбек өнімділігін арттыруға және экономикалық өзгерістердің маңызды әлеуметтік нәтижесі ретінде жұмыспен қамтуды көбейтуге бағытталған цифрлық шешімдер мен ЖИ енгізуді қамтиды. Жұмыспен қамтудың артуы халықтың тұрақты табысының өсуіне ықпал етеді, ал бұл өз кезегінде елдің төлем қабілетін нығайтып, ішкі нарықтың сыйымдылығын арттырады. Осылайша экономиканың тұрақтылығы мен әртараптандырылуы Қазақстанның әлемдік экономикалық жүйедегі орны мен рөлін күшейтуге алғышарт жасайды.

Жаһандық бәсеке күшейіп, әлемдік дамудың келешегі бұлыңғыр болып отырған жағдайда мемлекеттің тұрақтылығы мен экономикалық мүдделерін іске асыру үшін энергетикалық егемендік маңызды рөл атқарады. Президенттің Жолдауда берген тапсырмаларынан байқалғандай, бұл — энергетикалық тапшылық қаупін жою жөніндегі бұрын белгіленген жоспарларды (атом және жылу электр станцияларын салу, энергетикалық инфрақұрылымды жаңғырту және дамыту) мүлтіксіз орындауды да, баламалы энергия көздерін барынша пайдалануды да талап ететін кешенді міндет. Осы тұрғыда жаңартылатын энергия көздері электр энергиясы өндірісінің жартысынан астамын қамтамасыз етіп отырған, сонымен бірге торий электр станциялары мен термоядролық синтез реакторлары сияқты энергия өндірудің түбегейлі жаңа түрлерін белсенді дамытып жатқан Қытайдың озық тәжірибесіне назар аударған жөн.

Қазақстанның халықаралық ықпалын нығайтуда елді әлемдік нарықтармен байланыстыратын транзиттік-көліктік әлеуетті дамыту жоспарларын іске асырудың маңызы зор. Геосаяси және геоэкономикалық артықшылықтардан бөлек, бұл еліміздің жаһандық өндіріс пен жеткізу тізбектеріне қосылуына мүмкіндік береді, сөйтіп Қазақстанның әлемдік нарықтардағы дербес экономикалық субъект ретіндегі рөлін арттырады. Ал бұл мемлекетіміздің әлемдік иерархиядағы халықаралық мәртебесіне тікелей әсер етеді.

Орта державалардың айрықша белгісі — халықты әлеуметтік қолдауды «әлеуметтік келісім» идеологиясының бір бөлігі ретінде қарастыратын ішкі саясат. Ұлы державалармен бірдей ықпал ету мүмкіндігі болмағандықтан, орта державалар оның орнын халықаралық қоғамдастық оң бағалайтын әлеуметтік бедел арқылы толтырады. Осы тұрғыдан алғанда, Президент Тоқаев жариялаған азаматтық инфрақұрылымды ауқымды салу бастамасы орта державалардың мемлекеттік басқару логикасына толық сәйкес келеді.

Мемлекет басшысы дұрыс атап өткендей, мемлекеттік аппаратты түбегейлі қайта құрусыз қойылған барлық мақсаттарға сәтті қол жеткізу мүмкін емес. Осы жылдың наурыз айында жаңа Конституцияның қабылдануы секілді ең маңызды саяси реформаларға сүйене отырып, Қазақстан Good Governance (Тиісті басқару) қағидаттарын іс жүзінде жүзеге асыруы қажет. Оларға ашықтық, есептілік, заң үстемдігі, мүдделі тараптардың қатысуы, консенсусқа ұмтылу, теңдік пен инклюзивтілік, жеделдік, тиімділік және нәтижелілік жатады. Бұл басқару қағидаттары әдетте барлық дерлік орташа табысты елдерде, әсіресе демократиялық елдерде кездеседі. Осыған байланысты Мемлекет басшысы көздеген мемлекеттік басқару реформасы оны жетілдіру және демократияландыру міндеттеріне толық сәйкес келеді.

Өз тарапымнан мемлекеттік аппарат пен азаматтық қоғам арасындағы өзара іс-қимылды нығайту мемлекеттік басқаруды жетілдіруге үлкен үлес қосатынын атап өткім келеді. Әсіресе, мемлекеттік органдар жанындағы қоғамдық кеңестердің рөлін арттырған жөн, өйткені олар мемлекеттік аппарат қызметін сараптамалық-талдамалық тұрғыдан сүйемелдеуде барған сайын маңызды орын алып келеді.

Жолдауда мемлекеттік басқаруды жаңғырту тек экономикалық дамуды жақсарту және мемлекеттіліктің негіздерін нығайту құралы ғана емес, сонымен қатар азаматтардың әл-ауқатын айтарлықтай арттыру құралына айналуы керек деген идеяға баса назар аударылған. Бұл Президенттің Қазақстанның қазіргі әлемдегі орта державасы ретіндегі мәртебесін қамтамасыз етуге бағытталған саясатына сәйкес келеді.

Сообщение Президент Жолдауы және орта держава дамуының стратегиялық бағдарлары появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

Сообщение Құрылыс саласына 16 мыңнан астам маман қажет: қандай кәсіп иесі сұранысқа ие появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

Сообщение Жолдау-2026: қоғамдық бақылау – заман талабы появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

Сообщение Саяси шешім және экономикалық мүдде: Жолдау белгілеген міндеттер қалай орындалады?   появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

Жолдауда инфрақұрылымды ауқымды жаңғырту, өнеркәсіптік әлеуетті нығайту және елдің экономикалық дамуына жаңа мүмкіндіктер жасау қажеттігіне ерекше назар аударылды. 2027 жылды Жалпыхалықтық ауқымды құрылыс жылы деп жариялау туралы ұсыныс құрылыс кешенін дамытуға, инвестициялар тартуға, отандық өндірісті кеңейтуге және халықтың өмір сүру сапасын арттыруға жаңа бағдар береді.

Мемлекет басшысы айқындаған басымдықтарды іске асыру аясында Қазақстан Республикасының Президенті жанындағы Қазақстанның стратегиялық зерттеулер институты (ҚСЗИ) «Қазақстан Тұрғын үй Компаниясы» АҚ (ҚТК) және «QazIndustry» Қазақстандық индустрия және экспорт орталығы» АҚ-мен бірлесіп «Жалпыхалықтық ауқымды құрылыс-2027: Қазақстан экономикасы үшін жаңа мүмкіндіктер» тақырыбында сарапшылық талқылау ұйымдастырды.

Іс-шара Жалпыхалықтық ауқымды құрылыс бастамасын іске асырудың экономикалық, инвестициялық және салалық аспектілерін жан-жақты қарастыратын алаңға айналды. Талдау сараптамасын, тұрғын үйді қаржыландыру құралдарын және өнеркәсіптік даму мүмкіндіктерін біріктіре отырып, ҚСЗИ, ҚТК және QazIndustry «Қазақстандағы жалпыхалықтық ауқымды құрылыс: даму ауқымы мен көкжиектері» атты талдамалық баяндамада жаңа құрылыс кезеңінің перспективаларына қатысты ортақ көзқарасын ұсынды.

ҚР Президентінің жанындағы ҚСЗИ директоры Жандос Шаймарданов Жалпыхалықтық ауқымды құрылыс бастамасы инвестициялар тартуға, кәсіпкерлікті дамытуға және отандық өнеркәсіпті жаңғыртуға бағытталған Жолдаудың кең ауқымды экономикалық күн тәртібінің бір бөлігі екенін атап өтті.

«Алдағы ауқымды құрылыс елдің қаржылық, инвестициялық, өндірістік және еңбек ресурстарын жұмылдыруға мүмкіндік береді. Мемлекеттік инвестициялар инфрақұрылым нысандарын қаржыландыру көзі ғана емес, сонымен қатар жеке капиталды тартуға, кәсіпкерлік белсенділікті кеңейтуге және сабақтас салаларды дамытуға серпін беруі тиіс», – деді Жандос Шаймарданов.

«Отбасы банк» АҚ Басқарма төрайымы Ләззат Ибрагимова тұрғын үйдің қолжетімділігін арттыру және тұрғын үйді қаржыландыру тетіктерін дамыту мәселелеріне тоқталды. Ол тұрғын үй құрылыс жинақтары жүйесін жетілдірудің, азаматтардың баспана сатып алу мүмкіндіктерін кеңейтудің және тұрғын үй құрылысы көлемінің өсуін халықтың төлем қабілетті сұранысымен үйлестірудің маңыздылығын атап өтті.

«Қазақстан Тұрғын үй Компаниясы» АҚ Басқарма төрағасы Алтай Күздібаев тұрғын үй құрылысын дамыту перспективаларына, мемлекеттік қолдаудың қолданыстағы тетіктеріне және жеке инвестицияларды тарту мәселелеріне тоқталды.

«Тұрғын үй құрылысы – соңғы жылдары тұрғын үйлерді пайдалануға беру көлемі рекордтық көрсеткішке жеткен құрылыс саласын дамытудың негізгі бағыттарының бірі. Сонымен бірге құрылыс көлемін ұлғайту қалаларымыз бен ауылдық аумақтарымызда жайлы орта қалыптастыру үшін инженерлік желілерді, көлік және әлеуметтік инфрақұрылымды дамытуға кешенді көзқарасты талап етеді. Жобаларды жүйелі іске асыруға мүмкіндік беретін ұзақ мерзімді қаржыландырудың қолжетімділігі мен жеке инвестицияларды тарту тетіктері маңызды рөл атқарады», – деп атап өтті Алтай Күздібаев.

«QazIndustry» Қазақстандық индустрия және экспорт орталығы» АҚ Басқарма төрағасы Эльдар Гумаров жаңа құрылыс кезеңінің отандық өнеркәсіп өндірісі мен экономиканың сабақтас салаларын дамытудағы елеулі әлеуетін атап өтті.

«Жалпыхалықтық құрылыс жылы – инфрақұрылым салу науқаны ғана емес, іс жүзіндегі қуатты өнеркәсіптік саясат», – деді Эльдар Гумаров. Ол ел ішінде қалыптасатын қосылған құн үлесін арттыру қажеттігін атап өтті.

«Қазақстанның үлкен халықтық құрылыс алаңы: ауқымы мен даму көкжиегі» атты бірлескен талдамалық баяндаманың таныстырылымы аясында ҚСЗИ-дың жаһандық экономика және тұрақты даму бөлімінің басшысы Бибігүл Өмірбаева, ҚТК Басқарма төрағасы Алтай Күздібаев және QazIndustry жеңіл, ағаш өңдеу, жиһаз өнеркәсібі мен құрылыс материалдары өндірісін дамыту дирекциясының басшысы Жанна Байтемірова Қазақстанның құрылыс нарығының жай-күйі мен даму серпініне, ірі инфрақұрылымдық және инвестициялық жобаларды іске асыру перспективаларына, сондай-ақ өңірлердегі құрылыс белсенділігінің ерекшеліктеріне талдау ұсынды.

Тұрғын үй құрылысын дамытуға, оны қаржыландыру тетіктеріне және құрылыс материалдары мен жабдықтарға өсіп келе жатқан сұранысты қамтамасыз етудегі отандық өнеркәсіптің мүмкіндіктеріне ерекше назар аударылды. Сондай-ақ ауқымды құрылыстың ықтимал экономикалық әсерлері, оның ішінде инвестициялар тарту, сабақтас салаларды дамыту, өндірістік кооперацияны нығайту және инфрақұрылымдық жобаларды іске асыруға қазақстандық кәсіпорындардың қатысуын кеңейту мәселелері қаралды.

Сарапшылық пікірталас барысында қатысушылар құрылыс кешенін дамыту перспективаларын, инфрақұрылымға салынған инвестициялардың экономикалық қайтарымын арттыру тетіктерін, отандық өндірісті кеңейту және шағын және орта бизнесті ауқымды жобаларды іске асыруға тарту мүмкіндіктерін талқылады.

Сарапшылық талқылау Мемлекет басшысының Қазақстан халқына Жолдауында қойылған міндеттерді іске асыру аясында сарапшылар қауымдастығы, даму институттары және бизнес өкілдері арасындағы одан арғы өзара әрекеттестік бағыттарын айқындауға мүмкіндік берді.

Сообщение Астанада Жалпыхалықтық ауқымды құрылыс бастамасын іске асырудың экономикалық аспектілері талқыланды появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

Сообщение Халықтық құрылыс: құрылыс қаржыландыруы мен отандық өндірісті дамыту мәселелері появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

Сообщение Астанада 2027 жылғы Жалпыхалықтық ауқымды құрылыс бастамасы талқыланды появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.

Сообщение Қазақстанда ауқымды құрылысқа 6,5 триллион теңге жұмсалмақ появились сначала на ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ЖАНЫНДАҒЫ ҚАЗАҚСТАННЫҢ СТРАТЕГИЯЛЫҚ ЗЕРТТЕУЛЕР ИНСТИТУТЫ.