2022 жылдың 29 қыркүйегінде Астана қаласында саяси ғылымдар докторы, Олбани университетінің саяси зерттеулер орталығының аға ғылыми қызметкері Тоғжан Қасенованың қазақ тіліндегі кітабының тұсаукесері өтті. Іс-шара ұйымдастырушысы – Фридрих Эберт Қорының Қазақстан Республикасындағы өкілдігі.
«Атом улаған дала: Қазақстанның бомбадан бас тарту жолы» монографиясы Қазақстанның кеңестік кезеңнен бүгінгі күнге дейінгі ядролық тарихымен таныстырады. Кітапта Семей ядролық сынақ полигоны және өткен ядролық кезеңнің еліміздің бүгінгі күнінде қалай көрініс тапқаны туралы айтылады.
Еске сала кетейік, кітап алғаш рет 2022 жылдың ақпан айында Stanford University Press-те жарық көрді. «Atomic Steppe: How Kazakhstan gave Up the Bomb» атты ағылшын тіліндегі кітабының тұсаукесері ҚР Президенті жанындағы Қазақстанның стратегиялық зерттеулер институты өткізді.
