ЖАС САРАПШЫЛАРДЫ ҚОЛДАУ БАҒДАРЛАМАСЫ
ҚР Президенті жанындағы Қазақстанның стратегиялық зерттеулер институты «Қазақстан: дамудың сын-қатерлері мен шешу жолдары» атты екінші Жас сарапшыларды қолдау бағдарламасының басталғаны туралы хабарлайды.
Бағдарламаның мақсаты – отандық жас зерттеушілердің сарапшылық және ғылыми-зерттеу саласындағы бәсекеге қабілеттілігін дамыта отырып, қоғамдық ғылымдар саласында зерттеулер жүргізуіне қолдау көрсету.
Өтінімдер 2023 жылдың 6 ақпанынан 7 наурызына дейін қабылданады.
Байқауға қатысуға гуманитарлық және әлеуметтік ғылымдар саласындағы магистр дәрежесі, ғылыми журналдарда жарияланымы, сондай-ақ кемінде 3 жыл жұмыс өтілі бар 35 жасқа дейінгі Қазақстан Республикасының азаматтары шақырылады.
Бағдарламаға қатысу үшін үміткерлер бекітілген Ережеге сәйкес granty.kisi2023@gmail.com электрондық поштасына Өтінім жіберуі керек.
Жүктеу:
Бағдарлама қатысушылары ҚСЗИ зерттеу бағыттарына сәйкес топтық және жеке талдамалық баяндамалар әзірлеуі қажет. Бағдарлама қатысушыларының зерттеу дағдыларын дамыту үшін арнайы тренингтер мен семинарлар өткізіледі.
Зерттеу бағыттары:
- Саяси зерттеулер
- Әлеуметтанулық зерттеулер
- Халықаралық зерттеулер
- Экономикалық зерттеулер
Өтінімге келесі құжаттар кіреді:
- толтырылған өтінім;
- уәждемелік эссе;
- зерттеу тақырыбын негіздеу;
- үміткердің жеке басын куәландыратын құжаттың сканерленген көшірмесі;
- магистр дәрежесі туралы дипломның сканерленген көшірмесі;
- философия докторы (PhD)/профиль бойынша доктор/PhD/ғылым докторы дипломының сканерленген көшірмесі (бар болса);
- еңбек кітапшасының немесе еңбек қызметін растайтын басқа да құжаттардың сканерленген көшірмесі;
- ғылыми еңбектер тізімі, сканерленген көшірме немесе жарияланымдарға сілтеме.
Келесі жағдайларда ҚСЗИ себептерін көрсетпей Өтінімді қараудан бас тартуға құқылы:
- Өтінімді хабарламада көрсетілген мерзімнен кеш ұсыну;
- Үміткердің құжаттардың толық топтамасын ұсынбауы, Өтінімде толтырылмаған тармақтардың болуы және/немесе Өтінімнің/Үміткердің осы Ереженің талаптарына сәйкес келмеуі;
- құжаттардағы дәйексіз деректердің анықталуы;
- ҚСЗИ үшін беделдік нұқсан келтіретін мәліметтердің анықталуы;
- құжаттардың скан-көшірмелерінің сапасының төмендігі;
- уәждемелік эссе мен зерттеу тақырыбының негіздемесіндегі жалпы сөздер саны бойынша талаптардың сақталмауы.
Байқау қорытындысы бойынша саяси, экономикалық және әлеуметтанулық тақырыптарға арналған үздік материалдар іріктеледі. Бағдарламаның финалистеріне 750 000 теңге бөлінеді.
