Ұлттық энергетикалық қауіпсіздікті және халықтың энергияға еркін қол жеткізуін қамтамасыз ету Қазақстанның мемлекеттік саясатының басым бағыттарының бірі болып қала береді.
Төмен көміртекті экономикаға жаһандық көшу жағдайында таза энергия көздерін енгізу тек экологиялық қажеттілікке ғана емес, елдің бәсекеге қабілеттілігін арттырудың стратегиялық бағытына да айналып отыр.
Президент Қ.К. Тоқаев «Ana tili» газетіне берген сұхбатында биыл энергетика саласын дамытуға бағытталған ауқымды жобалар жүзеге асырылатынын атап өтті. Мемлекет басшысы «жасыл» энергетикаға ерекше көңіл бөледі: Masdar, Total Energies, Acwa Power, Unigreen Energy және CPIH секілді ірі энергетикалық компанияларымен жалпы қуаты 9 МВт болатын жел, күн және су электр станцияларын салу туралы келісімдерге қол жеткізілді.
Қазірдің өзінде елімізде жалпы куаты 2,9 ГВт болатын жаңартылатын энергия көздерінің 148 нысаны жұмыс істейді. Алдағы онжылдықта жалпы қуаты 1,8 ГВт ірі су электр станциялары мен жалпы қуаты 300 МВт шағын СЭС іске қосылады. Сонымен қатар, қуаттылығы 2,2 ГВт болатын биогаз электр станциялары мен 500 МВт күн электр станцияларын салу жоспарлануда. Жалпы, 2035 жылға қарай жаңартылатын энергия көздерінің үлесін электр энергиясын өндірудің жалпы көлемінің 25%-ына дейін жеткізу жоспарлануда.
«Жасыл» энергетиканы құру контекстінде Қазақстанда атом электр станциясының құрылысы жаңартылатын энергия көздерін дамытудың стратегиялық маңызды қосымшасы ретінде қарастырылады. Бұл жоба еліміздің энергетикалық жүйесінің тұрақтылығын айтарлықтай қамтамасыз етеді және кешенді экономикалық дамудың жаңа драйверіне айналады.
Қабылданған стратегия ұлттық мақсаттарға қосымша ретінде басқа жасыл энергия экспортының жаңа мүмкіндіктерін туғызады. Мемлекет басшысының шет елдерге сапарларының қорытындысы бойынша қол жеткізілген уағдаластықтар Орталық Азия мен Оңтүстік Кавказ елдерінің энергетикалық жүйелерін біріктіруге, сондай-ақ әлемдік нарыққа шығару.экологиялық таза энергия жеткізудің сенімді дәліздерін құру үшін жаңа мүмкіндіктер ашады.
Бауыржан Өмірзақов, ҚР Президенті жанындағы ҚСЗИ Жаһандық экономика және тұрақты даму бөлімінің бас сарапшысы
