Қазақстан Республикасының Президенті жанындағы Қазақстанның стратегиялық зерттеулер институты (ҚСЗИ) Экономикалық саясатты талдау бөлімінің басшысы Анна Альшанская бірқатар зерттеушілермен бірлесіп «COVID-19 кезінде және одан кейінгі мемлекеттік басқарудағы қашықтан жұмысты пайдалану: Қазақстан мысалы» атты мақаласын Scopus деректер базасына кіретін The Journal of Eastern European and Central Asian Research халықаралық ғылыми журналында жариялады.
Зерттеу COVID-19 пандемиясы жағдайында Қазақстанның мемлекеттік құрылымдарында қашықтан жұмыс істеуді енгізу тәжірибесін зерделеуге арналған. Авторлар қашықтан жұмыс істеу саясатындағы артықшылықтарды, қиындықтарды және айырмашылықтарды бағалау үшін пандемияның басында жүргізілген сауалнама деректеріне сүйенеді.
Зерттеудің негізгі нәтижелері қашықтан жұмыс істеудің қызметкерлердің қанағаттануына және олардың жұмысының тиімділігіне айтарлықтай әсерін көрсетеді. Сондай-ақ, қашықтағы жұмыс форматына, әсіресе отбасылық міндеттер контекстіне байланысты гендерлік айырмашылықтар анықталды.
Авторлар мемлекеттік басқаруда да, бизнесте де саясатты түзету үшін қашықтан жұмыс тәжірибесін талдаудың маңыздылығын атап көрсетеді. Еңбекті ұйымдастырудағы икемділік дарынды кадрларды ұстап қалуға, ұйымдардың қанағаттанушылығын, өнімділігі мен тұрақтылығын арттыруға ықпал етеді.
Қашықтан жұмыс істеуді тиімді енгізу тек технологиялық базаны жетілдіруді ғана емес, сонымен қатар қызметкерлер үшін қолайлы жағдай жасауға бағытталған корпоративтік мәдениеттегі өзгерістерді де талап етеді.
Жарияланым пандемиядан кейінгі кезеңде қашықтан жұмыс істеу тәжірибесін одан әрі жетілдіру перспективаларын аша отырып, мемлекеттік және бизнес-құрылымдарды жаңа сын-тегеуріндерге бейімдеудің өзекті мәселелерін көтереді.
Мақаланың толық мәтінімен осы сілтеме бойынша танысуға болады.
