ҚСЗИ-да мемлекеттік талдау орталықтарының басшылары Мемлекет басшысының Ұлттық құрылтайдың «Әділетті Қазақстан – Адал азамат» атты екінші отырысында сөйлеген сөзінің қорытындысы бойынша кездесті.
Қазақстан Президенті Қасым-Жомарт Тоқаев Түркістанда сөйлеген сөзінде мемлекеттік саясатты сапалы сараптамалық-талдамалық сүйемелдеу және шешім қабылдау кезінде азаматтардың қоғамдық көңіл-күйлері мен ұсыныстарын есепке алу қажеттігін атап өтті. Ол алынған нәтижелердің сенімділігіне кепілдік беру үшін әлеуметтанулық зерттеулер жүргізу кезінде кешенді әрі үйлестірілген тәсілдер қажет екендігін айтты.
Осыған орай бүгін ҚСЗИ-да «Жастар» ҒЗО, «Қолданбалы этносаяси зерттеулер институты», «Экономикалық зерттеулер институты», «Қазақстандық қоғамдық даму институты», «Парламентаризм институты» сияқты жетекші талдау-зерттеу орталықтарының сарапшылары, сондай-ақ мемлекеттік органдардың өкілдері Қазақстанның «ми орталықтарының» проблемалары мен даму перспективалары бойынша ағымдағы міндеттерді талқылау үшін дөңгелек үстел басында кездесті.
Кеңес қорытындысы бойынша сыртқы және ішкі саясаттың, экономиканың, әлеуметтанудың барлық салалары бойынша дерекқорды жаңарту қажеттілігі, сондай-ақ Қазақстанның талдау орталықтарының неғұрлым үйлестірілген ынтымақтастығының қажеттігі айтылды. Дөңгелек үстел қатысушылары кадрлармен қамтамасыз ету және кадрларды даярлау облысында еліміздің жоғары оқу орындарымен өзара іс-қимыл мәселелері бойынша пікір алмасты. Сонымен қатар Қазақстанның түрлі өңірлерінің сарапшыларымен өзара әрекеттестік қажеттігі талқыланды.
