Қазақстан халықаралық саясатта өз позициясын нығайтуды жалғастырып, Түркі әлемімен ынтымақтастыққа ерекше назар аударуда. Қазақстанның стратегиялық зерттеулер институтының директоры Еркін Тұқымов беделді халықаралық ғылыми журнал Insight Turkey басылымында Қазақстанның Түркі әлеміндегі маңызды бағыттары туралы мақаласын жариялады.
Insight Turkey – беделді ғылыми журнал, Scopus мәліметтер базасында индекстеледі. Журналды Түркияның Экономикалық және саяси зерттеулер қоры (SETA) шығарады және халықаралық қатынастар, геосаясат, экономика және стратегиялық зерттеулер бойынша өзекті мәселелерді талқылайтын жетекші алаң болып табылады. Insight Turkey әлемдік зерттеушілер, сарапшылар және практиктер арасында жоғары беделге ие.
Еркін Тұқымов өзінің «Kazakhstan’s Strategic Priorities in the Turkic World» атты мақаласында Қазақстанның Түркі әлемімен ынтымақтастығының негізгі аспектілері мен заманауи үрдістерін талдайды. Автор сауда, көлік инфрақұрылымы, жоғары технологияларды дамыту, сондай-ақ су ресурстарын басқару сияқты ортақ мәселелерді қамтитын басым бағыттарды атап көрсетеді.
Мақалада ерекше назар Түркі мемлекеттері ұйымының (ТМҰ) аймақтағы бірлік пен геосаяси тепе-теңдікті нығайтуға бағытталған рөліне аударылады. Қазақстан көпвекторлы дипломатия саясатына сәйкес, ТМҰ шеңберіндегі бастамаларды белсенді түрде ілгерілетуде.
Insight Turkey журналында мақаланың жарық көруі Қазақстанның Түркі әлеміндегі ынтымақтастықты дамыту жолындағы стратегиялық ұстанымдарының маңыздылығын, сондай-ақ аймақ бірлігін нығайтудағы елдің рөліне халықаралық қоғамдастықтың артып келе жатқан қызығушылығын көрсетеді.
Мақаланың толық нұсқасымен келесі сілтеме бойынша танысуға болады:https://www.insightturkey.com/commentary/kazakhstans-strategic-priorities-in-the-turkic-world
