22 сәуір күні Астана дипломатиялық клубында ҚСЗИ Жаһандық экономика және тұрақты даму бөлімінің бас сарапшысы Бауыржан Өмірзақовтың «Энергетикалық қауіпсіздік және дипломатия» тақырыбында дәрісі өтті.
Іс-шара сыртқы саясатқа, жаһандық тұрақтылыққа және Қазақстанның өзгермелі энергетикалық ландшафттағы рөліне қызығушылық танытқан студенттер мен жас мамандарды жинады.
Дәріс барысында Бауыржан Өмірзақов энергетиканың халықаралық дипломатияның ажырамас бөлігіне айналғанын ашып, құбырлар мен инвестициялық келісімдердің рөлі, сондай-ақ климаттық күн тәртібі мен көміртегі шектеулерінің өсіп келе жатқан маңыздылығы туралы толыққанды баяндады. Спикер санкциялар мен сауда соғыстары мәселелеріне тоқталып, тыңдаушылардың назарын Қазақстан үшін стратегиялық сын-қатерлер мен мүмкіндіктерге аударды.
Қатысушылар инфрақұрылымдық тәуелділік, «жасыл дипломатия», Қазақстанның уранды жаһандық жеткізудегі рөлі және климаттық саясаттың жаңа стандарттарына бейімделу қажеттілігі мәселелеріне ерекше назар аударды.
Дәріс интерактивті форматта өтіп, пікірталаспен аяқталды. Қатысушылар әңгіменің мазмұны мен жанды форматын бағалап, материалды терең әрі өзекті жеткізгені үшін алғыстарын білдірді.
