ҚР Президенті жанындағы ҚСЗИ-да өңірлік сарапшылардың қатысуымен «Өңірлердің мемлекеттік басқаруды дамытуға көзқарасы» тақырыбында сараптамалық талқылаулар өтті.
Өңірлік сарапшылар кеңесін құру жөніндегі ҚСЗИ бастамасы мемлекеттік саясатты талдамалық сүйемелдеу сапасын арттыруға бағытталған. Өңірлік сарапшылар кеңесінің мақсаты – ел өңірлерінде тұратын кәсіпқойлардың «дауысын» күшейту.
ҚСЗИ саяси шешімдердің сапасын арттыру үшін сарапшылар қауымдастығын біріктіреді. Мемлекеттік саясаттағы парадигманы өзгерту қажеттілігі туындады – «жоғарыдан төменге» көзқарасты «төменнен жоғарыға» немесе аймақтан орталыққа ауыстыру.
Ағымдағы пікірталас биылғы жылдың алғашқы тақырыптық сараптамалық талқылауы болды. Оған еліміздің 11 өңірінен, соның ішінде Алматы қаласынан экология, мемлекеттік қызмет, денсаулық сақтау, білім беру, әлеуметтік қорғау және азаматтық қоғам саласындағы 22 сарапшы қатысты.
Талқылау барысында талқылауға қатысушылар орталық және жергілікті атқарушы органдардың өңірлік деңгейде азаматтық қоғаммен және халықпен өзара іс-қимылына баға берді. Өңірлердің сарапшылары өз ұсыныстарымен, атап айтқанда азаматтық бақылау тетіктерімен бөлісті. Мәселелердің жеке блогы төтенше жағдайдағы дағдарысқа қарсы коммуникацияның тиімділігін қозғады.
Пікірталас модераторы, ҚСЗИ директорының орынбасары Алуа Жолдыбалина қорытындылағандай: «Еліміздің өңірлерінен келген сарапшылардың пікірі мен бағалауы біз үшін өте маңызды, өйткені олар осы немесе басқа жағдайға басқаша қарауға мүмкіндік береді. Өңірлердегі сарапшылар кәсіпқой әрі ел азаматтары ретінде көптеген мәселелерді шешуде құнды білімге ие. Сондықтан барлық пікірлер мен ұсыныстар осы бағыттағы жұмыста ескерілетін болады».
