ҚСЗИ-да директор Еркін Тұқымов Беларусь Республикасының Қазақстан Республикасындағы Төтенше және Өкілетті Елшісі Павел Утюпинмен кездесті.
Еркін Тұқымов Беларусь әріптестерін қарсы ала отырып, Қазақстан мен Беларусь әрқашан жақсы достық қарым-қатынаста болғанын және болып қала беретінін атап өтті. «Бізге осындай кездесулер қажет, біз жақын халықтармыз, жылы қарым-қатынастарымыз бар. Біз әрқашан сараптамалық пікір алмасуға дайынбыз. Бізге әлі де кеңейтілген байланыстар жетіспейді. Елдерімізді халықтарымыз арасында танымал етудің жаңа тәсілдері қажет. Қарапайым заттардың дипломатиясын қосу керек», – деді ол.
![](https://kisi.kz/wp-content/uploads/2024/02/img_1357-1024x683.jpg)
![](https://kisi.kz/wp-content/uploads/2024/02/img_1342-1024x683.jpg)
Сұхбат барысында Беларусь елшісі алдағы Беларусь парламенттік сайлауы, дауыс беру жүйесі және жүргізіліп жатқан сайлау науқанының негізгі ерекшеліктері туралы толық ақпарат берді. «Біз әрқашан бірлескен ынтымақтастық мәселелерін сындарлы түрде шешеміз», – деп атап өтті Елші.
Тараптар сондай-ақ өзекті екіжақты күн тәртібіне, интеграциялық бірлестіктерге бірлесіп қатысуға, сондай-ақ елдер арасындағы ғылыми-зерттеу әлеуетін нығайтуға қатысты тақырыптардың кең ауқымын талқылады. Сұхбат қорытындысы бойынша кездесу қатысушылары қос ел арасындағы ынтымақтастықты нығайтудың маңыздылығын растап, өзара әрекеттестіктің сараптамалық трегін ұлғайтуға дайын екендігі туралы айтты.
![](https://kisi.kz/wp-content/uploads/2024/02/img_1362-1024x683.jpg)
![](https://kisi.kz/wp-content/uploads/2024/02/img_1374-1024x683.jpg)