2025 ж. 2 сәуір күні Л. Гумилев ат. Еуразия ұлттық университетінде ҚСЗИ Саяси зерттеулер бөлімінің басшысы Жанар Санхаеваның дәрісі өтті.
Дәрістің тақырыбы «Талдамалық мәтінді қалай жазу керек» – журналистика және әлеуметтік ғылымдар факультетінің «Саясаттану» мамандығы бойынша магистранттардың қызығушылығын тудырды.
ҚСЗИ сарапшысы сапалы аналитика критерийлері мен талдамалық жазбаны жазу стандарттары туралы айтып, дәлілді және қолданысқа жарамды ұсыныстарды тұжырымдау қажеттілігін ерекше атап өтті. Магистранттар деректерді талдаудың ерекшеліктері және олардың құрылымдалуы туралы сұрақтар қойып, сондай-ақ өздерінің зерттеу жұмыстарының нәтижесін ҚСЗИ ғылыми басылымдарында жариялау мүмкіндігіне қатысты қызығушылық танытты.
ҚР Президенті жанындағы ҚСЗИ сарапшылары еліміздің жоғары оқу орындарының студент жастары, магистранттары мен докторанттары алдында үнемі дәріс оқиды. ҚСЗИ негізгі білім беру және ағарту жобасы – Жас сарапшыларды қолдау бағдарламасы 2022 жылдан бастап іске асырылуда, онда ҚСЗИ сарапшылары дәріскерлер, тәлімгерлер ретінде әрекет етеді.
