Экономикалық реформалар енді Президенттің назарында. 2022–2023 жылдардағы қарқынды саяси реформалар кезеңінен кейін Мемлекет басшысы ел экономикасын түбегейлі реформалау бойынша тапсырмалар қояды. Саяси модернизация экономикалық өсуге негіз болатын бұл тәсіл оның 2019 және 2022 жылдардағы сайлауалды бағдарламасының өзегі болды.
Бұрынғы Премьер-Министр Әлихан Смайыловтың дағдарыстан кейінгі менеджменті күрделі геосаяси және макроэкономикалық жағдайларда жүзеге асырылды. Жаңа Премьер-Министр Олжас Бектенов өз міндеттерін Президенттің тілегімен алдағы жылдардағы елдің экономикалық даму күн тәртібіне нақты көзқарас түрінде бастайды. Бұны Мемлекет басшысы өткен жылдың қыркүйек айындағы Жолдауында және Үкіметтің кеңейтілген отырысында сөйлеген сөзінде айтты.
Айта кететін жайт, Мемлекет басшысы стратегиялық мақсаттарға жету үшін кадрлық шешімдер қабылдауға дайын. Бұл ретте Президент Үкіметтің жаңартылған құрамының алдына қандай да бір мүмкін емес және қол жетпейтін мақсаттар қоймайды. Экономиканың жыл сайын 6 пайызға өсуі, инфрақұрылымдық «ұзақ құрылыстарды» аяқтау, Алматы 2-ЖЭО-ны газдандыру және Екібастұз 1-МАЭС-да энергия блогын қалпына келтіру. Толығымен орындала алатын тапсырмалар.
Біз Президенттің өзі айтқан барлық саяси реформаларды табанды түрде жүзеге асырғанын көрдік. Сондықтан «Әділетті Қазақстанның» экономикалық бағытын іске асыру туралы орын алған скепсис Олжас Бектеновтың басшылығымен Үкімет жұмысының нақты нәтижелері аясында жойылуы мүмкін.
Кешеуілдеуге уақыт жоқ. Ескі инфрақұрылымның қауіпсіздік қоры әлдеқашан таусылып, мемлекеттік аппарат жұмысында тиімсіз тәжірибелер сақталуда, бірақ мемлекеттік басқарушылардың проблемаларды кейінге қалдыруға құқығы жоқ. Мемлекет басшысы жақын арада нақты нәтиже күтетінін айтты.
Ермек Тоқтаров,
ҚР Президенті жанындағы ҚСЗИ
Стратегиялық талдау бөлімінің басшысы
