2025 жылғы 17 қаңтарда ҚР Президенті жанындағы Қазақстанның стратегиялық зерттеулер институтында Элькано Корольдік халықаралық және стратегиялық зерттеулер институтымен (Испания) бейнеконференция өтті. Бейнеконференцияға Қазақстан Республикасының Испаниядағы Елшісі Данат Мұсаев қатысты.
Бейнеконференция барысында Қазақстан мен Испания арасындағы екіжақты ынтымақтастықтың негізгі аспектілері және біздің ел мен ЕО арасындағы байланыстарды дамытудағы сараптамалық ынтымақтастықтың рөлі талқыланды.
ҚСЗИ директоры Еркін Тұқымов халықаралық серіктестермен өзара іс-қимылды нығайтудың маңыздылығын атап өтіп, стратегиялық зерттеулердің елдің сыртқы саяси бағытын қалыптастырудағы басты рөлін ерекше көрсетті.
Элькано институтының директоры Чарльз Пауэлл Институт бастамасы үшін алғысын білдіріп, өзекті халықаралық мәселелер бойынша диалогты жалғастыруға қызығушылық білдірді.
Элькано институты (испан тілінде: Real Instituto Elcano de Estudios Internacionales y Estratégicos; RIE) Мадрид қаласында орналасқан. Ол 2001 жылы сыртқы істер, экономика, қорғаныс, білім, мәдениет және спорт министрліктерінің, сондай-ақ мемлекеттік теміржол компаниясы «RENFE»-нің қатысуымен жеке қор ретінде құрылған. Институтты құрудың басты мақсаты – «халықаралық шынайылық және Испанияның сыртқы қатынастары туралы қоғамдағы білімді дамытуға жәрдемдесу».
ҚСЗИ мен RIE бейнеконференциясының нәтижелері екі ел арасындағы зерттеу және талдамалық салаларда ынтымақтастықты тереңдетуге деген өзара қызығушылықты бекітті.
